Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Dat Hödeken von de Winzenborg

Dat Hödeken von de Winzenborg Burg und Flecken unweit Hameln,
Wat plack un plaag et sick af un sorg!

Sach et de Winzenborg in Gefohr,
Klaag un huul et un schree un rohr.

Kehr in de Borg wedder in dat Glück,
Juchhei, nu lach et un hägede sick.

Twee Heeren vor allen sach et geern:
Den Bischop un sinen Grafen un Heern.

Sien Graf un Heer läd sick hen un verscheed.
Dat däd dem Hödeken gar to leed!

Keenen Sohn hinterleet sien Graf un Heer,
Dat makede Hödekens Hart so sweer!

*

Up dem Hilmser Hildesheimer Domhof schree dat un schree:
»Herr Bischop, de Winzenborg is free!«

De tweete Nacht röp dat hell un klor:
»Herr Bischop, de Borg is in Gefohr!«

De drüdde Nacht schree dat averluut:
»Herr Bischop, faart na de Borg henuut!«

Sinen Wagen spannde de Bischop an
Un jaagde de Winzenborg hinan.

Een anner Wagen haal de öhn in,
De Hertog von Brunsewik satt darin:

»Herr Bischop, kehret na Hilmsen um,
De Winzenborg is mien Eegendum!«

»Heer Hertog, de Winzenborg is mien,
Hüt schalte ick noch als Heer darin!«

Da röp een Stimmken in den Striet:
»De Weg is noch wiet! De Weg is noch wiet!«

»De als Erster föhrt in den Borghof in,
Dem mag de Borg to eegen sien.«

*

Alsbald twischen beder Heeren Gespann
Eene wilde Wettfahrt hoov sick an.

Straat up, Straat af, Straat up, Straat af
Jagten die Rosse in vollem Draw.

Un ut dat Getrapp un Gebruus heruut
»Hohü! Hohü!« schöll een Stimmken luut.

De Hertog richt im Wagen sick hoch.
Eenen goden Vorsprung hadde he noch.

Doch na bi dem Bischop sine Peer'
»Hohü! Hohü!« scholl das wedder daheer.

De Hertog sa mit Schreck un Schaam,
Dat de Bischop öhm nöger un nöchter kaam.

Mit eenmaal röp he: »Wat is dat?«
Dem Bischopswagen, dem fehl een Rad!

Un ümmer noch suus he in voller Karrier',
As wenn de Vasand Teufel dahinner weer.

Un ümmer noch schree dat »Hohü! Hohü!«
Un – da suus de Wagen an öhm vorbi.

He suus vorbi ganz sacht un egaal
Un foll nich tohoop un sack nich daal!

He suus vorbi ganz sacht un gelinn' –
Un – da föhr he in den Borghof henin!

Ganz graad un uprecht stund he da,
Un unner öhm lach dat: »Haha! Haha!«

*

De Hertog sloog de Hannen ineen:
»Gotts Blitz! Ein Wunder ist hier geschehn!«

Im Borghof word een Geschrigg un Juchhei:
»Hihi! De Wagen brook midden entwei!

»Haha! Ick hoov öhn over de Eer
Un brocht öhn wedder in volle Karrier'!

»Hoho! Minen Bischop holp ick dorch,
Dat Hödeken von de Winzenborg!«

Gottlieb Müller-Suderburg