Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

O Schippmann

»O Schippmann, o Schippmann, o Schippmann du,
Vör goden Dank laat du
Dat Schippken rümmegahn
Un laat dat swartbruun Mäken
To Grunne gahn,
                  O Schippmann!«

»Vader, verköp dien roden Rock
Un redd mien jung jung Lewen doch!«
»Mien roden Rock verköp ick nich,
Dien jung jung Lewen redd ick nich!
Laat du dat swartbruun Mäken
To Grunne gahn,
                  O Schippmann!«

»Ick heff noch eenen Broder to Huus,
De lett mi nich verdrinken.
O Broder, verköp dien blankes Sweert
Un redd mien jung jung Lewen weert!«
»Mien blankes Sweert verköp ick nich,
Dien jung jung Lewen redd ick nich!
Laat du dat swartbruun Mäken
To Grunne gahn,
                  O Schippmann!«

»Noch heff ick eenen Leewsten to Huus,
De lett mi nich verdrinken.
O Leewster, verköp du di ant Roer Ruder
Un redd mien jung jung Lewen doch!«

»Ick will verköpen mi ant Roer,
Dien jung jung Lewen redd ick doch!
Laat du dat swartbruun Mäken
To Lanne gahn,
                  O Schippmann!«

Volksballade