|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Un as de Ries' lütt Gisela greep
In den depen Woold,
He bröch in de sülwige Stünn eer deep
In sien Land Ieskoold.
He wees eer wull een güllene Kroon:
»Geew bi, lütt Deern!«
Lütt Gisela dach an Seekönigs Sohn,
Den harr se geern.
Se ween sik meiß de Oogen blind,
Dor help eer keen.
Se beed dat Water, se beed den Wind,
Bleew ganz alleen.
Se löp an'n Strand wull hin un heer
Mang Storm un Floot.
Dor weer een Raaw, de früs so seer
Sick meiß to Dood.
»Och, giw mi Schoh un Kedeken,
Ick bin so bart!«
barfuß
Se geew eer Schoh un Kedeken,
So'n Barmen in't Hart.
Weer ok een Fisch ut 't wille Haff.
»Mien Kinner lied ...
Och, smiet dien Haar to'n Spinnen raf,
Is gar keen Tied!«
Se geew et heer. »Gott segen di,
Wat bist du good!«
Dör keem halwdood een Voß vörbi,
Wull een Drubbeken Blood.
»Un giwst mi mal vun dien roden Mund
Un dien Odem bi,
Denn kann 'k weer lopen, denn bin 'k weer gesund,
Verlaat mi ni!«
Un as se so 'n groot Barmen harr,
Dor weer mit'n Slagg
Een Schipp de Fisch, un een Grootseil knarr
As 'n Raaw in 'n Dagg.
Un wa eer Blood in 'n witten Snee
Noch blöh un beew,
Dor stünn een König mit Lüd vun See;
Jüß denn harr se leew.
»Un hölps ut Winter un Storm ieskoold,
Mien Ring nehm hin!
Lütt Gisla, hüt sla ick den Ries in'n Woold
Un morgen bist Königin!«
Hans Friedrich Blunck
