Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Henneke Knecht

»Henneke Knecht wat wulltu doon,
Wultu verdeinen dat ole Lohn,
Over Sommer by meck bliven?
Ick gebe deck een Paar nier Scho,
Den Ploog kannst du wol driven.«

Hennke sprack sick ein trotzig Wort:
»Ick will kenen Buren deinen fort,
Solck Arbeit wil ick halen.
Ick wil meck geven up de See,
Des hab ick groetter baten.«

Dat Wyff sprack ock een hastig Wort:
»Wo bistu Kerel so bedort,
Wultu een Schippmann werden?
Hacken un roen roden is dien Art
Un plögen in der Erden.«

Henneke wort by seck sülven to Raat.
He koffte vor sine Haversaat
Een Armsbost goot van Prise,
Kort Klee'r leet hey seck schnien an,
Recht na der Krieger Wise.

Hey nam den Armbost up den Nack,
Den Koeker hey an den Goerdel stack,
Dat Schwerd an sine Syden.
Darme ginck he den wrick den wrack wackelig
Na Bremen leet he glyen.

As Hennke to Bremen binnen quam,
Ginck he vor eenen Schipper staan,
Sprack: »Schipper, leve Here,
Will jy meck vor een Schippknecht haan
Vor eenen Roderere?«

»Ick woll deck gerne nehmen an,
Kannstu vor eenen Schippknecht bestaan
Wol recht an Schepes Borde?
Ick hör an dinen Wörden wall
Du bist een Buur van Arde. Herkunft«

Hennke schwoor eenen dürren Eed:
»Nenen kaskeren strammen Kerel eck nich weet
To allem Donde un Sake,
Eck bin in minem Mode so fry
Recht es een wilden Drake.«

Do Hennke Knecht quam up de See,
Stunn he as een vorjaget Reh,
Een Word konn he nich spreken,
He dachte hen, he dachte her,
Syn Harte woll öm tobreken.

He leende syn Höewt an Schepes Bort,
Een Armes lang sprack he een Wort er erbrach sich, war seekrank
Wol to der sülven Stunde:
»Wat meck mien Wyff vorher gesagt,
Dat hebb eck nun befunden.

De Wind de weyd; de Hane kreyt
Dat Weder dat was gar unstede,
Dat Meer ganz ungehüre.
Hed eck den Ploeg in miener Hand,
Dem woll eck wal balde stüren.

Is hyr denn nu nemand bekand,
De meck bringt in dat Sassen Land
Wol twisken Dyster un Leyne,
Wol to des edlen Försten Huus,
Dat Huus tom Lauensteine?«

Och is hyr nu nemand bekand,
De meck bringt int Bronswicker Land,
Eck will öhm wall belonen,
Eck will öhm geven mien Haversaat
Darto en Schepel mit Bonen.« –

De ösk düt Leedken rest hefft erdacht,
Heft Henneken van der See bracht,
Dat ön de Lüse nich freten,
Sünnern he warnt alle goe Gesellen
Dat sei nich syn vermeten.

Verfasser unbekannt
(Nach dem Rastatter Kongreß-Taschenbuch für 1799)