Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Graf Geerd in Oldenwörden

(18. September 1319)

Dat weer Graf Geerd be Grote, be keem na Oldenwörn,
De wull be Buern inne Marsch dat Opsitten lehrn.

He jag se ut be Husen, he jag se ut be Schün,
Dar neem he Gut um Gut heruut, un Füer lä he in.

Dat weer een banni Lopen wul op dat Wörner Mark:
Se lepen, nakelt as se weern, mit Fru un Kind to Kark.

Do keem Graf Geerd de Grote mit Trummeln un mit Fahn,
Do sett he op uns Herr sien Huus den willen roden Hahn.

»Nu smört se as be Bückeln, nu braad se as de Aal!«
Do drippelt as een Regenschuur dat smölten Bli hendaal.

Herr Graf, so hebbt Erbarmen un hört de bittre Noot!
Dat drippelt hitt dör Schild un Helm, dat Isen ward uns root.

Herr Graf, so hebbt Erbarmen vör Hitt un Höllenqual!
Dat drippelt hitt dör Schild un Helm, op Fru un Kind hendaal.

Un hebbt se keen Erbarmen mit Jammer un mit Noot,
So fat dat rode Isen an un slaat de Deusen Teufel (Feinde)dood!« –

Dat weer een banni Lopen vun Wörden bet na Loh Dorf bei Heide
Graf Geerd, de leep mit all sien Volk ganz lütt na't Holsten to.

Klaus Groth