|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Ool Büsen liggt in 't wille Haff,
De Floot de keem un wöhl een Graff.
De Floot de keem un spöl un spöl,
Bet dat se de Insel ünnerwöhl.
Dar bleef keen Steen, dar bleef keen Paal,
Dat Water schael bat all hendaal.
Dar weer keen Beest, dar weer keen Hund,
De liggt nu all in depen Grund.
Un allens, wat der leef un lach,
Dat deckt de See mit depe Nach.
Mitünner in de holle Ebb
So süht man vunne Hüs' de Köpp.
Denn duukt de Toorn heruut ut Sand,
As weer 't een Finger vun een Hand.
Denn hört man sach de Klocken klingn,
Denn hört man sach de Kanter singn,
Denn geit dat liesen daer de Luft:
»Begrabt den Leib in seine Gruft.«
Klaus Groth
