|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Willkamn, willkamn, Herr Adebar!
Wa du mi freust! – büst ock all dar?
Ick heff di sehn! ick heff di sehn!
Herr Adebar, du Langebeen!
Juchhei! nu ward dat wedder grön!
Un all de lüttjen Blom ward blöhn!
Un all de lüttjen Vageln singn!
Wakeen kunn dar de Lust bedwingn!
Denn stimm ick di min Stückschen an,
So gut ick kann, Herr Klappermann,
Un nösten lest de ganze Stadt
Din Loff all in uns' Zeitungsblatt.
Keem ock en ann're Tid för di,
Erklär'n se di ock vagelfri,
Is Undank ock de Welt ehr Lohn,
Di ward doch nüms en Leid ando'n!
Weer'st du't ni, de de Kinner geev,
Harrn di de Kinner ni so leev!
Un Kinner ward doch ock mal grot, –
Wakeen schütt den en Adbar dod?!
Du büst min leevsten Vörjahrsgast!
Bu du man wedder op de Fast;
Fisch du man wedder 'rum in'n Dick, –
En jeder nimmt, wat Gott em schick.
Du hest mi pe a pe besöcht
Un mi all tein dör'n Schoßsteen bröcht,
Dat weer als »Gottes Segn bi Cohn«, –
Wat harr min Olsch darmit to do'n!
Un dochen büst du wedder dar.
Ick rop: Willkamn! Herr Adebar!
Ick freu mi lud, dat ick di sehn,
Un bröchst du mi ock noch mal een!
*