Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Modergraff

Hier plöck mi jo keen Rosen af,
Un tred dor ni op hin;
Dit Graff, dat is en hellig Graff,
Min Moder slöppt darin.

Min Moder, de mi hött un dragn.
De mi dat Leben da'n,
Min Moder, de mi nährt un sagn
Mit Hartblot un mit Tran.

So gut weer doch keeneen, als du.
Mit all din Leev' un Leid!
Du brave Fru, – du gude Fru,
Slap still in Seligkeit!

Mit Tran begot ick disse Sted,
Hier heff ick braken legn.
Hier heff ick kneet, hier heff ick bedt,
Un lud na'n Himmel schregn.

Dit Graff, dat is en hellig Graff;
Min Moder slöppt darin!
Hier plöck mi jo keen Rosen af
Un tred dar ni op hin!

Komp.: 1 st. v. C. Dibbern. 1 st. u. Friedr. Dörr, 4 st. v. E. Baldamus, 1 st, 2 st. u. f. gemischten Chor v. L. Jessel.

*