|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Herr Paster sin Lise, – ach, Jung, wat en Deern!
Twee Ogen, – ick segg di, so hell als de Steern,
So blau, als de Heben, un deep, als en Sot,
Un de dar man 'rinkiekt, hett seker sin Not.
O, o wat en Kopp! als en Engel so schön!
Keen Blom kann dar smucker un leevlicher blöhn!
Un Lucken darum, als Kastanjen so brun,
Un krus, als en Hoppenrank buten in'n Tun!
Herr Paster sin Lise – ach, Jung, wat en Deern!
Ick wull man, du seegst ehr, – du schullst di verfeern!
Ick wull man, du hörst ehr, – dat schull di mal smö'n,
Keen Nachtigal singt dar so lisen un schön!
Un kummt in de Kark se des Sünndags herin,
Wer kiekt ni bischurns öwer't Psalmbok mal hin?!
Un predigt tonösten vun'n Himmel de Ol,
Wer denkt ni bischurns an den Engel in'n Stohl?!
Herr Paster sin Lise, – ach, Jung, wat en Deern!
Un weerst du en Deuwel, se kunn di bekehrn!
Un meent ock de Lüd all, du geihst wul to Grund,
Herr Paster sin Lise, de makt di gesund!
Se swevt, als en Wulk, un se flüggt, als en Reh!
Is rot, als en Ros', un so witt, als de Snee!
Keen Bild is dar smucker, un smucker keen Brut!
Keen Kind is dar beter, so fram un so gut!
Min Vader un Moder sitt beid op Verlehn,
Un ick schall en Fru nehmn – un weet ni, wakeen? –
Herr Paster sin Lise, – ach, Jung, wat en Deern!
Un wull se man, – de' ick't, wa geern! o, wa geern!
*