|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Bedenk di richtig, ehr du't deist,
Förwahr! dat is en harten Schritt;
Un dünk di't doch, – un wenn du geihst,
Ick bliv torügg, – ick gah ni mit.
De Welt is schön, de Welt is grot.
Uns' Herrgott allerwegn gewiß;
Doch smeckt dar nargns so söt dat Brod,
Als dar, wo unse Heimat is.
Un hest du't günd ock noch so gut
Un noch so riklich wedder funn,
Dat Heimweh blifft dar doch nich ut
Un hett ock dar sin stille Stunn.
Un wenn dat kummt, – stah Gott di bi!
Wat denn an di vöröwer geiht,
Is gräsig swar! Du lövst dat ni,
Wa hart dat drückt, ma weh dat deit!
Un twischen di un uns so feern
Wogt denn de wide, wille See;
Ach, kunnst du her – wa de'st du't geern!
Dat Lengen deit so weh, so weh!
Denn streckst du wul umsünst de Hand,
Denn lopt di wul de Tran hendal;
Ach, Vaderhus un Vaderland
Gifft't nümmermehr to'n tweeten mal!
*