Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Schreeg öwer

Schreeg öwer, wo de Piepen staht
In't Fenster vör de Ruten,
Dar wahnt de Dreier in de Strat
Mit frie Sicht na buten.

Twee Fenstern sünd man in de Stuv,
Vull Piepen hangt dat eene,
Dat anner is en Rosenluv,
De hört den Drei'r sin Lene.

Den Drei'r sin Lene is en Kind,
En Kind, – als weer't en Engel!
Un teinmal smucker noch, als günd
De Rosen op'n Stengel!

Dar seeg ick ehr so mennig Stund
Sick öwer'n Blomputt bücken
Un an ehr'n roden Rosenmund
De roden Rosen drücken.

Un weer ick ni so'n olen Dutt,
Un weer ick ni Jan Meyer,
Ick wull, – ick seet in'n Rosenputt
Schreeg öwer bi den Dreier.

Komp.: 1 st. v. Cl. Serpenthien. 1 st. v. F. v. Wickede.

*