Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Du lüttje Deern, so lilgenwitt

Du lüttje Deern, so lilgenwitt.
Och, wenn ick so mal bi di sitt,
Wa ward dat Hart mi kaken!
Du lövst dat ni, – un doch is't wiß,
Noch riker als en König is,
Kannst du alleen mi maken.

Du smevst ja rein, als weerst en Wulk,
Du blöhst ja, als de smuckste Tulk,
Mit Rosen op de Backen;
Du schienst ja als en Blom in'n Dau,
Mit Ogn vun't klarste Himmelblau,
Un'n Luckenkranz um'n Nacken,

So'n sötes Engelsangesicht
Malt sülbn de beste Maler nich,
De allerbeste Maler.
Wa hol ick doch so veel vun di!
So veel, so veel! – un leet di ni
För hunnert dusend Daler!

Komp.: 1stimmig v. Dr. Fr. Dörr.

*