|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
O, wa so welig in de Höh
De smucke Roggn sick hevt,
Un wa de Welln, als weer't en See,
Daröwer lisen swevt!
Am leevsten bün ick merrn darmank,
De Ahrn bit an de Ohrn –
Un slenner so den Fotstieg lank
Hindör' dat leewe Korn.
Mank himmelblau un rode Blöm
Un mank de Halms vun Gold,
Dar dünk mi't jüst, als mank de Böm
In't frische, gröne Holt.
Wa lustig swarmt de Bodderhorn,
Un Hummel, Lurk un Imm!
Spelt all herum in't leewe Korn
Un levt un freut sick drin.
Dar flüggt un singt de Lurk herut,
Uns' Herrgott geev dat Mahl;
Se schütt ehr Hart voll Leeder ut
Un gütt se op mi dal.
O, wa so seelnvergnögt mi ward!
Ick kann mi ni bedwingn;
Se got mi wul en Leed in't Hart,
Dat mutt ick mit ehr singn:
Du öffnest Deine milde Hand
Und gibst uns Trank und Speis'
Und segnest Volk und Vaterland,
Dir sei Lob, Ehr und Preis!
*