|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
In'n Süun'nschien prangt de Böken!
Un grönt de Wischengrund, –
Nu kannst all'n Blom di söken, –
Dat Vörjahr dei't sick kund.
De Lurk stiggt in de Wulken
Un singt ehr Leed hendal,
Un bald kamt all de Swulken
Un kummt de Nachtigal.
Un bald hangt alle Twiegen
Sneewitt un rosenrot, –
Un bald op alle Stiegen
Dör Blom hin geiht din Fot,
Un bald in Saat de Koppeln, –
Un blaue Blom un Mahn, –
Un bald all wedder Stoppeln,
Wo hoch dat Ahrnfeld stahn,
Un bald all wedder Flocken,
Un narms en Blatt, en Blom, –
Un witt sünd di de Locken,
Un allens als en Drom. –
Keen Stillstand un keen Stocken,
De Tid geiht als en Nu. –
Un bald, denn gaht de Klocken,
Un denn, – wanem büst du?!
*