Du kumst, en Engel annen Arm:
Lat de man eerst mit Ogen sehn;
De findt der rut, wat rein un warm,
Un Minschen nog, de echt un schön.

Un grippst du mal to hitt din Pitsch,
Denn wis't se fründli di dit Bok
Un seggt: de Mann is unpolitsch,
Doch klare Ogen hett he ok.

Heff man Geduld, het annen Strand
De reine See mal trecken ward;
Denn fat jüm noch dat Holstenland
Mal – as mit Sehnsucht – deep int Hart.