Projekt Gutenberg-DE
Autoren ∞ Werke ∞ Neu ∞ Information ∞ Shop ∞ Lesetips ∞ Textquelle ∞

Klaus Groth
Quickborn II
Inhalt

Inhalt

Klaus Groth
 << zurück weiter >> 

Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Willkam in Kiel.

(Zum 3. niederdeutschen Sängerfeste 1884.)

Motto: Holsatia non cantat,
Plattdütsch: Holsteen kann dat.

        Still seet he dar in mennig Jahr
De ole Holstenstamm.
Wi harrn de Kräften as de Bar,
De Harten as dat Lamm.

Do narr uns denn de Dän so lang,
Do warn wi kasperat:
Na, denn to Gang'! nu man ni bang!
Un denn man los, Kamrad!

Do lehrn wi eerst wat Kräften weer,
Wat Moth in Noth un Dod!
Do wis' uns unse egen Heer
Dat echte Holstenblot.
―――
Lang weer de Tid, do weern wi stumm,
As harrn wi Snuppen hatt.
Do gung dat Wort in Dütschland um:
Holsatia non cantat!

Do awer schall ut' dütsche Rik
Gesang, ut Land un Stadt.
»Dat könnt wi ok!« so sän wi glik –
Man to: Holsteen kann dat!

Un bald ut alle Kehlen klung
Dat Leed, dat dütsche Leed.
Vunt Vaderland – so hebbt wi sungn,
Un wat man dütsch noch heet. 307

Un as de Fiend sik müsig mak,
Do weern wi All derbi –
Een Sang un Klang, een Sak un Sprak –
Franzos, un haut wi di!

Un darum hoch de Säugerbund,
He hollt dat Rik tosam.
Un Holsteen röppt ut plattdütsch Mund:
Willkam in Kiel, willkam!
 << zurück weiter >> 
Impressum ∞ Nach oben ∞ Datenschutz