Projekt Gutenberg-DE
Autoren ∞ Werke ∞ Neu ∞ Information ∞ Shop ∞ Lesetips ∞ Textquelle ∞

Klaus Groth
Quickborn II
Inhalt

Inhalt

Klaus Groth
 << zurück weiter >> 

Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++

Vun de Vageln.

Hadbar.
        Hadbar ann Hȩben, wa kannst du wit sehn!
Achter de Koppeln wat wahnt dar vær Een?
Is dar en Hüschen mit Finstern un Dær?
Steit dar wul ȩbn so'n lütte Hanne dervær?
Grot un Lütt.
        De Kukuk un de Kiwitt
De danzen op den Butendik,
Do keem de lüttje Spreen
Un wull dat Spil ansehn,
Do neem de Kukuk 'n groten Steen
Un smeet de lüttje Spreen ant Been –
Au weh! du lüttje Spreen! 239
Tunkönig.
        De Katt de seet int Nettelkrut,
Int Nettelkrut verborgen.
Do keem de kleene König rut
Un bo ȩr guden Morgen:

»Gun Morgen Musch inn Nettelbusch!
Wat sittst du hier in Sorgen?
Ni wahr? wenn du min Flünken harrst,
So spis't du mi ton Morgen.
Spatz, noch enmal.
        Huslünk un sin Ohm
De seten oppen Bom.
Sin Vader keem, sin Moder keem,
Sin Süster keem, sin Broder keem,
Un Vatter, Vetter, Mellersche,
Un Kæksche mit en Teller keem:
Do flogen de Flünken all heraf,
Do picken de Lünken all int Kaff.
 << zurück weiter >> 
Impressum ∞ Nach oben ∞ Datenschutz