Wann man's befiehlt, muß er im Blut sich bode,
Und wird er auch darüber selber hin;
Deswege isch und bleebt die Dischziplin
Ä wohrer Himmelssege for Saldote:

Wo Dischziplin im Regament thut walte,
Isch jede Schlacht so viel als wie gewunne:
Sie halt die Leut zusamme wie die Klette;

Sie wehrt der Juchend, animiert die Alte,
Mit gleecher Streng nach obe und nach unne
Und drangsaliert die Faule und die Fette.

Kumt mennig Bengel in sin wullen Dok,
De Stȩweln kum mal wuschen in den Graben,
Un meent dat Sȩgeln is man as dat Draben!
Un is en Rind! un dünkt sik ossig klok!

Denn segg ik awer: Juchen! opgepaßt!
Süh! Dit is dat Ror! un dit – dat is de Mast!
Un dit Dings hier hinut, dat is de Klüwer!

Nu dal, un wasch di! – Denn bi solken Knast,.
Ik segg, Wachtmeister, hölpt keen Nasenstüwer.–
Nȩ! Disziplin! un mit dat Enn en Hiewer!

So loß ich mich am liebschte recensiere:
Wann Generäls mich lobe thän und preese
Und sich im Dienscht nit gor zu streng erwese,
Mög mich meenthalbe ä Kaprol schimpfiere.

Wos will denn solch ä Wieblinger Schulmeester,
Wenn mol Klaus Groth sägt, daß ich gut geschriebe?
Was will denn noch ä Magischtrotrothschreeber,

Ä Ochsewerth und alle Höllegeester
Zu Heedelberg und gor zu Mannheem drübe? –
Ich schreeb for Mannsleut, nit for olte Weeber!