|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| 1. 2. | |
| Mei' Herz thua di' auf Und daß d' Sunna scheint d'rei', Denn es is ma' heunt d'rum, Daß i' lusti' will sey', Daß i' lusti' will sey' Wier a' Lerchei bal's singt, Wie der Spielho' in' Falz, Der in' G'ringl 'rumspringt. |
|
| 3. 4. |
|
| O du tause'dschöns Kind, Wann i' di' habn kunnt' Nacha hätt' i' 'n Himmi Auf Erdn herunt', Und da waar' ma' nie bang Vor koan' Wetter, koan' Reng, Denn die müßtn all' furt, Bal' d' grad lachest a' wen'g. |
|
| 5. 6. |
|
| 'Ho' Liedln wohl g'sunga Mei' Lebta grad gnua Und i' ho' wegn dei' scho' A Freud g'habt dazua, Und i' ho's' nit all' 'dicht', Nit alloa zwegnbracht, Deini vielliebn Augn Hamm des Mehreri g'macht. |
|
| 7. 8. |
|
| Musikantn machts auf, Meiner Lene zun G'falln, Und thäats d' Notn nit spar'n, I' will Alles gern zahl'n, Denn mei' Lene is lieb Wier' a' Bläami in Mai, Und i', wur' dafür arm, Hätt' s' a' Gaudi dabei! |
|
| 9. 10. |
|
| Und morgn und heunt San nit allewei' guat Freund, Willst a' Bußl hergebn, Laß mi's heunt no' d'erlebn, Denn a' Sorg hon i' d'rum Und bring's nit ausn' Si', Schau wenn d' Welt morgn z' Grund gaang', Waar 's Bußl aa' hi'. |
|
| 11. |
|
| Und i' will grad a' Bläami, I' will ja koan' Strauß, Grad a' bißl a' Bußl Dees bitt' i' mir aus. |
|
| 12. |
|
| Und ob i' di' lieb' Schau jetz' kon i's nit sagn (und) Frag wieder, wann d' Rech' Amal Gambskrickln tragn. |
|
| 13. |
|
| Amal kriegst mi' scho' Und dees is halt wann's is, Nacha schau, wann d' mi' kriegst, Nacha hast mi' ja g'wiß. |
|
| 14. 15. |
|
| Und 's Diendl hat g'sagt Und sie hätt' mi' so gern Als wie vo' die Kerschn Und Zweschbn die Kern, Die Sakera-Diendln So sans' allisamm Und erst recht foppe's' oan' Bal' s' oan' o'bandlt hamm. |
|
| 16. |
|
| Und a' Taubn in' Fliegn Der Teufi der brat's' Und an' Diendl sei' denka Der Guguck d' errath's. |
|
| 17. |
|
| Und 's Diendl is a' Zither, Wo d'rüber nix geht Und dem machts' die schönst' Musi' Der 's Spieln versteht. |
|
| 18. |
|
| Und 's Diendl hat Zahnerln Da lacht's wohl damit Und sie kunnt' oan' aa' beißn, Dees thuats aber nit. |
|
| 19. |
|
| Und es kimmt nit d'rauf o' Wie'r a' Diendl ausschaugt, Bal's' no' jung, schö' und brav is Und sunst ebbas taugt. |
|
| 20. |
|
| Du flachshaarets Diendl, Di' hon i' so gern Und i' kunnt' wegn den Flachs Glei' a' Spinnradl wer'n. |
|
| 21. 22. |
|
| Und 's Liebn is a' Schießet Auf a' schneeweißi Scheibn Und da kennst di' nit aus Derfst es wohl a' Weil' treibn, Und 's Diendl is der Punkt Und um den geht halt 's G'riß Und oft trifft 'n a' Schütz Der der best' lang nit is. |
|
| 23. |
|
| A' Gambs auf der Wand Und da' Punkt in der Scheibn Und mei' Schatz auf der Alm Is mei' Thoa' und mei' Treibn. |
|
| 24. |
|
| Denkt koa' Jaager an d' Jagd Hat 'n d' Lieb amal 'packt Und koa' Senndrinn an d' Kal'm A so gehts auf der Alm. |
|
| 25. |
|
| Und a' Jaaga sicht guat Aber d' Lieb macht 'n blind Und da fangt dir den größtn A' kloa's Diendl g'schwind. |
|
| 26. |
|
| A' Bix ohni Ho' Und a' Diendl ohni Mo' Und a' Jaager ohni Schneid Da is's allemal gfeit. |
|
| 27. |
|
| Bist derntwegn koa' Jaga, Weil d' Federn a'm Huat Und an' Zwilling aa' hast Der pum pum macha thuat. |
|
| 28. |
|
| A' Goasbock is g'stiegn Gar hoch in oan' Zorn, Hat a' Gambs wer'n wolln, Is dengerscht koa's worn. |
|
| 29. |
|
| Und a' Fuchs is koa' Lux Und a' Ratz is koa' Katz Und koan' Hirsch bild' dir ei', Thuast a' Rechböckei sey'. |
|
| 30. 31. |
|
| Daß's geit alti Hexn Ko' glaabn wer will, Aber jungi, die geit's, O da kenn' i' gar viel; Und hast damit z'schaffa So thäan s' dir 'was o' Und da' ko'st nimmer schlafa, Denkst allewei' dro'. |
|
| 32. 33. |
|
| Dei' Lieb wann a' Buach waar' Dees leset' i' glei' Und wieviel wur' denn d'rinn steh' Was moa'st von der Treu? Und dei' Lieb wann a' Farb' hätt' So bild' i' mir ei' (schau) Weil d' gar so viel' gern hast, Ganz gschecket müßt s' sey'. |
|
| 34. 35. |
|
| Mei' Resl, was hon i' So Unrechts denn tho' Daß i' d' Rosl statt dei' Bei der Hand gnumma ho', Schau Resl und Rosl Dees gleicht halt anand' Und da kimmt ma' ja leicht An a' unrechti Hand. |
|
| 36. |
|
| Und der Türk und der Ruß Die zwoa gehn mi' nix o' Wann i' no' mit der Gretl Koan' Kriegshandl ho'. |
|
| 37. |
|
| Und 's Dienerl wann d' heuretst, So mirk dir dabei, Es werd nit grad dei' Weiberl, Es werd scho' dei' Wei'. |
|
| 38. |
|
| Und Grasn und Herzn Is d' Farb' bei mein' Gschpiel (und) In anderni Kartn Da g'winn i' nit viel. |
|
| 39. |
|
| Die schönst Farb' is Grea Und grea' sollt' alles sey', Grad mei' rosigi Rosl Die roat' i' nit d'rei'. |
|
| 40. 41. |
|
| Und es is nix so trauri' Und nix so betrübt Als wie wann si' a' Krautkopf In a' Rosn verliebt. Und es is nix so trauri' Und nix so weit gfeit Als wie wann si' a' Pudl In a' Katzl verkei't. |
|
| 42. |
|
| Die Mauser wer'n gschoßn Da spart ma' koa' Blei, O waar'n do' die Duckmauser Aa' voglfrei. |
|
| 43. |
|
| A' Licht blast mer aus Und a' Feu'r blast mar o', Und es blasn gar viel' Die nie denka da dro'. |
|
| 44. 45. |
|
| Und d' Lercherln die steign In d' Höchn gar gern Und wie höcher daß s' steign Wie kleaner daß s' wer'n. Und so steigt an diem oana Der hoch außi will, Is heruntn gar weni' Und drobn nit viel. |
|
| 46. 47. |
|
| Der Mensch hat an' Geist, Hat der Schullehra gsagt, Und der Wei', der hat aar oan, Dees hon i' d'erfragt, Und bal' die zwoa streitn, So hat's schon an' Schei' (und) Es thaat der von' Wei' Oft der stirkeri sey'. |
|
| 48. 49. |
|
| Bal' Fried is, a' Gsangl, Dees is unser' Freud Und bal' Krieg is, a' Juchezer Hat aa' nit gfeit, Denn mir san all' Soldatn, Dees leit schon in' Bluat Und die boarischn Kugln Die arbetn guat. |
|
| 50. 51. |
|
| Und der boarischi Löb (Löw') Hat a' sakrisch's Gebiß Und hat wolterni Zahn', Schau wie alt er aa' is, Und der 'n wollt' traatzn, Der kaam schlecht davo' Und es wissen's wohl oa' Wier er 's Reissn guat ko'. |
|