|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| Was soll i thoa, hat g'sagt der Bua Zun Förschter zu sein Herrn, – Dessell' is gwest an' alter Mo', Brummt: Werscht es inna wer'n: »Jetz gehst amal auf's Mös'l 'naus, »Da hat's a scheeni Lack', »Es stenga dir viel Ant'n auf: »Du feihst den ganz'n Pack, »Denn i mag sag'n, was i will, »Du laßt da' do' nit Zeit, »D'rum blenk'lst aa in Nebi 'rum, »So geht's di junga Leut. »D'rauf lad'st und gehst 'n Hölzl zua, »Da liegt a junger Has, »Nett auf'n Spitz, hart an da Gruab, »Da duckt er si' in's Gras, »Auf siebn Schritt, da steht er auf, »I woaß scho, was 's bideut', »Du schieß'st a Loch in Bod'n 'nei', »So geht's di junga Leut. »Jetz' draahst dei Stutz'nläufi auf »Und gehst in groß'n Schlag, »Da thuat si' gern a Rechbock um, »Kimmt no' bei'n hell'n Tag, »Du setzst di' hi' zu'n Felberbaam, »Er kimmt da' gar nit weit, »Wann's g'schnellt hat, hast 'n wieder gfeiht, »So geht's di junga Leut. »Ade, um neuni bist dahoam. –« Da geht da' Bua davo', Ganz fuchti über selles G'red Und über den alt'n Mo'. Und wie er so verdrießli geht, Da steht am Weg a Haus, Da schaugt a Diendl jung und frisch Am Thor bei'n Tenna 'raus, Die rueft ihm zu: »woaus so g'schwind, »Wie? kehr' a bis'l ei';« Der Bua laßt's ihm nit zwoamal sag'n Und geht in d'Tenna 'nei'. »Wie?« sagts', »geh', hilf ma mit mein Flachs »Und brich a bis'l mit.« »»Ja wannst mar a Paar Bußei'n geist,«« Und sie verredt ihm's nit. Da bricht er Flachs und scherzt mit ihr, So is a junger Bua, Und wie'r er von sein Herrn verzählt, So lachen's ihna gnua. Und über selles Zeug und Gschpiel, Da geht die Zeit g'schwind um Und wie's um's Dunkeiwerd'n gwest, So kehrt er wieder um Und thuat ganz ärgerli dahoam. »Was is's jetz, gront der oa', »Wo is dei' Ant' und Has' und Bock, »Kimmst ebba gar alloa?« »»Meinoad, Ees müeßt's, hat g'sagt da Bua, »»A Hexnmoaster sey', »»Daß's All's a so derrathn kinnt's »»Und nett trifft's allzeit ei'.«« Da lacht' der Alt, 'hat's nit oft 'tho', Dees aber hat'n g'freut, – An Buabn aa' scho', schau so geht's An diem die alt'n Leut'! |