|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| Der Hirgscht, dees is mei' schönsti Zeit Da brock' i' 's Edlweiß, In Watzmann über 'n Laabl drobn Und über 'n hocha Eis. In Bertlsgadn habn s' ja Die Bliemin gar so gern Und kimm' i' mit mein' Edlweiß Zu manchen großn Herrn, Und bring's die Damen drunt' in' Gschloß, Die stecka 's auf 'n Huat, Die Damen san gar schö' und fei' Und 's Edlweiß' steht guat. Da schaugn an diem die Kavalier' Und fragn, wo hast es her, Wann aber i' am Watzmann zoag', Da fragn s' nimmer mehr. – Dees freut mi' an die Bliemin just, Daß's braucht a' Schneid' und Fleiß, Sunst kriegst es nit, d'rum hoaßt mer's aa' Nit unrecht Edlweiß. Und gern a' Sträußl brock' i' aa Für unser' liebi Frau Schau, weil bei'n Steign in der G'fahr I' treu zu'n ihr vertrau'. O wann no' in den Watzmann dort Koan Laane abageht, Wo meini Jagerbliemin san, Mein' kloana Gartn steht; Ja liebi Frau, i' bitt' di' schö', Wann d' Laane ebba bricht, So denk' auf mi' und mach' daß halt Mein' Edlweiß nix g'schicht! |