»»No', wanns es wissn wollts, jetz' schaugts,
»»Drei Nußn han i' ghabt,
»»Und schaugs halt o', und bi' damit
»»Dort an den Baam hi'tappt,

»»Und wier i' o'stöß', falln s' ma halt,
»»Die Nußn, selm in's Heu,
»»Und oani find' i' nimmermehr,
»»Die größt' von alli drei!«
– Und woant gar bitterli' dees Kind,
Daß's halt die driti Nuß nit find't. –

»»Is wahr, da mögst ja wini wern,
»»Bal' d' Diendln gar so gschupf't,
»»Mei' Basl hon i' just beim Tanz
»In Fürterbandl 'zupft,

»»Jetz' is die oa' fuchsteufiswild,
»»Mei' Wabn und macht a Gsicht,
»»Und schaugt mi' mit koan' Aug' mehr o',
»»Is's nit a' dummi G'schicht?!

»»Und morg'n muaß i' wiedr in Berg,
»»A' schöner Abschied dees,
»»I' woaß nit, wie dees Diendl jetz'
»»Da drüber gar so bös'.««
– Und schlagt in Tisch, der Michei, 'nei,
Ganz fuchti': Kellnerinn schenk' ei'! –

»»Jetzt schieß' i' drei z'kurz nachanand',
»»'Laß o' mi'n größtn Fleiß,
»»A' jeda sollt' a' Vierer sey',
»»Und alli drei san s' weiß.

»»Na' grath'n s' wieder, wier i's wünsch'
»»Was sagst jetz da dazua,
»»I' pack' glei' zamm, und zieg mi' gar,
»»Denn Irger hon i' gnua.««
– In lauter Brummin schaugt der Mo'
Gar kümmerli' sein Stutzn o'. –