A Schuß is grad an' Augnblick
Und rund is d' Kugl, rund is's Glück,
Drum habts die Augna hell und frisch
Und zappelts nit als wie die Fisch,
Sunstn treffts 'n Wisch! hui auf!

Hui auf wann los der Pöller geht
Und prächti' die Maschin' aufsteht,
Der Zieler kaam sein' Augna traut
Und Alles laaft und fragt und schaut,
Bua da is so laut'! hui auf!

Und wann der Zieler springt und tanzt
Und 's Blei am gelbn Punkt'n glanzt,
Da giebt's oan' bis in's Herz an' Riß,
Wer nit a Nudlwalger is,
Ja ja dees is gwiß! hui auf!

Es lebe hoch der Schütznstand
Und kaam' der Feind in's Boarnland,
I' woaß, er bleibet gwiß nit lang,
Mir naahma 'n glei' als Kuglfang,
Ja als Kuglfang! hui auf!