|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Der Franz hôt am Samschtich en Hampfsoma g'sät.
»So!« sait er, »wann's nõ ball a Regele tät'!«
Jô, wann's am nõ glei da G'falla müaßt taun!
Am Ôbe's kommt hell über d' Berg reĩn der Maũn.
Ond au beim Kirchgaũn em Sonnticha-Morga
Scheint d' Sonn' trutz am Franz seine Regelessorga;
Se scheint so warm uf dia Kirchaplätz' neĩn
Ond schläfert dia Baura-n-anandernôch eĩn.
So gôht's en der schafficha Früahlengszeit.
Der Pfarr hôt nõ net amôl d' Eĩnleiteng g'sait,
Nô schlôft au der Franz ond schnarcht ebbas z'wega
Ond tromt ond tromt vom a Hampfsomarega.
Der Pfarrer predigt weiter derweil
Ond kommt ans End' von seim erschta Teil.
Dô hält er, wia's so der Brauch ischt, enna,
Daß dia, wo's naitich hent, d' Nãs putza könna,
Au d' Schnupftabaksbühs gôht bei a Teil rom.
Der Franz verwachet halbwegs aus seim Trom,
Er streckt se ond riaft über d' Kirchaleut' neĩn:
»Ischt des a guats Hampfsomaregele g'seĩn!«
