|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Der Pfarr ist nõ net lang em Ort,
Nô gôht er amôl ôbeds fort
Ond lauft spaziara naus zom Flecka
Ufs Feld ond suacht dô Deckelschnecka.
Ond wia-n-er se nôch Schnecka buckt,
Kommt 's Heiners Jockel her ond guckt
A Weile zua und sait: »Ha wia!
Herr Pfarr! bigott! Was tẽant denn Sia?«
»Ich suche Schnecken«, git der z'ruck.
»So!« sait der Jockel, »jetz dô guck!
Ond wenn mer frôga därf, zu was?«
»Zum Essen!« »Was! ha descht a G'spaß!
Des glaub', wer mag, Herr Pfarr! Jetz neĩn!
Des kann doch Ehne ernscht net seĩn!«
»Gewiß! ich treibe keinen Spott!«
»Nô muaß i's glauba! jetz b'hüat Gott!«
Er gôht ond trait seĩn Neuichkeit
Glei neĩn ens Wirtshaus onter d' Leut':
»Jetz horchet,« sait er, »mit dem Pfarra
Dô semmer desmôl net schlecht g'fahra,
Der ischt a Mãn für ons! Respeck!
Der frißt doch au 's Õnziefer weg!«
