|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Em Dorf wird heut' beim Waisag'richt
Der Bergles-Regel Erbschaft g'schlicht't.
Nõ! d' Sach gôht glatt ond kommt en's Blei,
De andre onterschreiba glei,
Blos d' Regel stellt se widerwärtich:
»I schreib' net onter,« sait se, »fertich!«
A G'meĩnrôt nemmt se ens Gebet,
's hilft nenz! Se sait: »I schreib' halt net!«
Der Schulz fahrt dreĩn mit Blitz ond Donder,
Se bleibt derbei: »I schreib' net onter!«
Der G'richtsnotar meint: »Send doch g'scheit!«
»Net om a Küahle!« hôt se g'sait.
Jetz sait der Schulz: »I meĩn, 's ischt 's bescht',
Mer steckt des Weibsbild en Arrescht.«
»O je!« schreit d' Regel, »lẽant me gaũn!
Iar Herra! i will alles b'staũn!
I schreib' mein Nama blos net nãn,
Weil i, – weil i net schreiba kãn!«
