|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Der Pfarr muaß schnell zom obra Jerg
Ond dem sei taudkranks Kendle taufa.
Em Eifer lauft er uf da Berg,
So schnell 's der Blôsbalg kãn verschnaufa.
D' Leut' passa-n-ond er kommt nõ recht
Ond tauft glei uf der Stell' des Kendle.
's hôt's grad' nõ taũn, 's ischt elend schlecht,
Mer weißt net, lebt's nõ nõ a Stendle.
Jetz, wia nô d' Tauf ischt fertich g'seĩn
Ond 's Wasser aus de Auga tupfat,
Nô brengt der Jerg a Bierfaß reĩn,
A g'hörich's, er hôt's kaum verlupfat.
»So, ãnpackt!« sait er, »dô wär' Biar,
I mein', für'n ärgschta Durscht sott's langa!«
»Waas!« sait der Pfarr', »ja wollet Iar
Bei so ma Kend a Fescht ãnfanga?«
»Ha!« sait der Jerg, »sell sẽan mer schaũn,
Des Kendle därfa mer net b'halta,
Was kãn mer am jetz z' liab mai taũn,
Als wia a rechte Taufsupp' halta!«
