|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
A jonger Herr Pfarrverwesner isch g'seĩn,
Der grendet em Flecka-n-en Bildengsvereĩn.
Dô hält er da ganza Wenter derdur
Äll Sonntich en Vortrag an einara Tur,
Aus G'schicht, Naturg'schicht und deralei Sacha,
Om seine Baura gebildeter z' macha.
Ganz z'letschta brengt er au en ara Red'
Am Darwin seĩn Sächle ufs Tapet.
Des Dengs von der Zuchtwahl ond Abstammengslehr,
Des schlächt er de Baura-n-andernôch her.
Kotz Guguk! hent dia Maul ond Nasa-n-ufg'stellt,
Köpf' g'schüttlat ond g'nickt ond au leĩs widerbellt!
Wia's aus ischt, nô gôht's an a Beifallklopfa,
Daß schiergar d' Gläser vom Tisch nonterhopfa. –
Der Michel hôt g'fehlt, weil an 's Zähnwaih hôt plôgt,
Drom hôt er se nôchher beim Jockel befrôgt.
»Des därf de keia,« sait der, »daß d' hôscht g'fehlt,
Nächt hôt er ganz andere Denger verzählt.
Mer häb' jetz rausbrôcht – narr, glaubt hätt' i's net,
Wenn's net der Herr Pfarrverwesner g'sait hätt' –,
Daß d' Affa von eim, wia heißt glei seĩn Nama,
Kotz jô, von eim nãmas Darwin abstamma.«
