|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Der stroblich' Kaschper, descht a Mãn,
Der wäscht se g'wiß net mai wia naitich,
Blos eĩnmôl jährlich kommt er drãn,
So g'meĩnlich tuat er's am Karfreitich.
Seĩn Nãs ischt graißer als er's brücht,
A Riesakrombir, schwarz vom Schnupfa,
Oms Maul rom stôht a Bart em G'sicht,
Mer könnt' se bluatich an am stupfe.
Den hent se amôl ferchtich g'macht
Beim Liachtgang mit de Geischterg'schichta:
»Jô, so a Geischt kãn bei der Nacht
Da stärkschta Mãn grad ommerichta.«
Der Kaschper druf zom Hausmãn sait:
»Horch, Chrischt, i beĩn zom Taud verschrocka,
Heim gang i net! gang laß mi heut'
Dia Nacht dur an dei'm Ofa hocka!«
»O mach, daß d' heimkommscht,« sait der Chrischt,
»Dau alte Hẽar, schwätzscht vom Verschrecka,
A wüaschters Tiar, als d' selber bischt,
Kommt diar heut' nacht au net vergega!«
