|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Der Hans, der hôt en Stockzãhn g'het,
Keĩn Doktor zwengt den Stockzãhn net.
Der eĩn klemmt 's Hansa Kopf en d' Knie,
Der zweit probiart's mit Sempathie,
Der dritt, der ziagt an mit der Zang'
D' Steg uf ond ā, weiß Gott wia lang,
Der viert' kniet uf an uf am Boda
Ond reißt, bis keĩns mai kriagt en Ôda,
's hilft nenz, der Zãhn hebt wia a Zeck
Ond 's Maul g'schwillt wia a Batzaweck.
Jetz, wia-n-er nẽana naus mai g'sieht,
Nô gôht er nom zom alta Schmied,
Der macht en Drôht rom om da Zãhn
Ond bendt an fescht an Ambos nãn,
Nô langt er 's Eise aus der Gluat
Ond fahrt em Hans mit ontern Huat,
Der tuat en Schnerrer z'ruck vor Schreck
Ond fallt zur Schmiede naus en Dreck,
Suscht ischt er heiter, ond der Zãhn
Hangt dren beim Schmied am Ambos drãn,
»Siehscht,« lacht der, »wann da b'sorgt seĩn witt,
Lôscht d' Schmiedle weg und gôhscht zom Schmied.«
