|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Der Pfarrer predicht 's erschte Môl,
Natürlich nemmt er 's Maul heut' voll
Ond tuat seĩn möglichscht's, daß er glei
En Ãnhang kriag en seĩnra G'meĩn.
Derneba hôt er d' Auga-n-offa
Ond guckt, ob's net wo eĩns hôt troffa.
Ond richtich! Dort em letschta Bank
Dô heult a Weible. »Gott sei Dank,«
Denkt er, »hier geht schon auf mein Samen!«
Ond sait ball recht wohl z'frieda-n-Amen.
Jetz nôchher lôt's am erscht keĩn Ruah,
Er grüaßt ond gôht ufs Weible zua
Ond frôgt, worom se denn häb' g'schria.
»O,« sait se, »Herr, sell sag' i nia!«
Jetz, wia-n-er eba net lôt nôch,
Nô ruckt se z'letscht raus mit der Sprôch,
Se sait: »Vor vierzeha Tag ischt's g'seĩn,
Gôht miar meĩn beschte Milchgais heĩn,
A Hauptgais, o tuat mi des keia,
Sooft i drãndenk' muaß i schreia.
So heut', Herr Pfarrer, wẽant net bais:
Iar hent a Stemm grad' wia meĩn Gais!«
