|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Em Frühjôhr ischt em Blättle g'standa,
Jetz sei de richtich Zeit vorhanda,
Daß jeder henter d' Obschtbäum gang
Ond d' Raupaneschter ronterfang'.
Der Frieders-Jakob macht se drãn,
Seĩn Bruader Michel sait: »Hããn!
Descht wieder so a neue G'schicht!«
Ond wia-n-an au der Jakob bricht't,
Er bleibt halt standhaft uf seim Glauba,
Ond seine Äpfel fressa d'Raupa.
Uf 's Jakobs Bäum hangt's voll ond schwer
Ond 's Michels stẽan hautlotterleer.
Dô stôht er ond sait: »Des send Sacha,
Descht Schicksal, was kãn i dô macha!« –
An andersmôl verkend't der Büttel,
Für'n Rotlauf häb mer jetz a Mittel,
Mer soll dia Säuble empfa laũn,
Der Michel sait: »O lẽant me gaũn!«
Ond hôt a ganze Woch' lang z'schempfa;
Der Jakob lôt de seine empfa,
Drom grôta s'em au druf ond dreĩn,
Am Michel gẽan de seine heĩn.
Dô stôht er ond sait: »Des send Sacha,
Descht Schicksal, was kãn i dô macha?«
Jetz hôt der Jakob zua-n-am g'sait:
»Horch, Michele, du tuascht eim leid,
I sag' der's offa, grad wi'as ischt:
Descht 's Schicksal, daß d' a Rendviech bischt!«
