|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Em Landtag sitza-n-allerlei,
Volk, Ritter ond Prälata,
Au d' Schulza hent a Wort derbei,
Ond 's graißscht hent d' Affekata.
Jabot kãn au en Bauersmãn
En Landtag d' Wahl versetza,
Der sitzt halt still uf's Plätzle nãn
Ond lôt de andre schwätza.
So macht's der Herrabaurafritz,
Wia's den hôt nontertroffa,
Er hôt em Landtag uf seim Sitz
De meischt Zeit halba g'schlôfa.
Jetz eĩnsmôls hôt er se scharf b'sennt
Ond ernschthaft 's G'sicht nãn g'schnitta,
Stôht uf ond riaft: »Herr President,
Ich möcht' miar 's Wort erbitta.«
Natürlich ischt der Landtag g'spannt,
Was der wohl häb fürz'traga,
Der Fritz agiart mit eĩnre Hand
Ond sait: »Ich möcht blos saga:
Hier zieht's, vom offna Fenschter dort,
Schon zweimôl hab' ich g'nossa,
Ich stell' dan Antrag, daß sofort
Des Fenschter dort werd' g'schlossa.«
