|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
's Tobiesa Bua hôt Hauzich g'macht,
Nô sait der Tobies: »Jetz gut' Nacht!
Zwei Weibsleut' hemmer jetz em Haus,
Desch eina z'veil, der Fried' ischt naus!«
Was macha! 's lôt am lang keĩn Ruah,
Drom gôht er fort em Wirtshaus zua,
Dô trifft er guate Kamerada
Ond klägt ena sein Weiberschada.
Des git a G'spräch, bis lang ond breit
A jeder hôt seĩn Meineng g'sait,
Ond jeder weißt da beschta Rôt.
Für'n Tobies wird's derweil recht spôt,
Doch gôht er heim mit guatam Muat.
Jetz wia-n-er d' Stubatür uftuat,
Stẽan beide Weibsleut' vor am drãn:
»Nõ! send ar einich?« fangt er ãn.
»Jô miar send einich«, sait de Alt'
Ond bacht am eine, daß es knallt.
»Ganz einich!« sait de Jong druf glei
Ond haut am eĩns en d' Anka neĩn!
»Lẽant gaũn! Lẽant gaũn!« der Tobies schreit,
»Der Guguk hol' die Einichkeit!«
