|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Am Sonntich nôch der Kenderlehr'
Kommt 's Frieders Schorsch zom Pfarr derher,
Mer sieht's, er tät gern ebbas saga
Ond brengt's doch net recht raus zom Kraga.
»Nõ!« sait der Pfarr, »so sag, was d' witt!«
»O!« sait der Schorsch, »i hätt' a Bitt':
Dẽa Morga hôt meĩn Muater g'sait:
Dô hôscht a Mark zom Trenkgeld heut'
Ond dô zweẽn Pfenneng, 's muaß au seĩn,
Dia tuascht ens Kirchanopfer neĩn!
Jetz i, em Taubadicht, 's ist g'wiß,
Haũn d' Mark neĩng'lait en d' Opferbühs.
Jetz, wann der Pfarr so guat seĩn wett,
Ond miar meĩn Mark retour gẽan tät.«
»Nein!« lacht der Pfarr, »des lass' i bleiba,
Du kannscht der's henter d' Ohra schreiba,
Wer en der Kirch' so standhaft schlôft,
Ischt om a Mark nõ z' nieder g'strôft!
