|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Em Wiesatal der Tälesbeck
Bacht schaũn erbärmlich kleine Weck;
Seĩn Nôchber, der Schuahmacherlob,
Verzernt se jeda Morga drob.
Er hôt se b'sennt ond hôt se b'sennt,
Wia-n-er 's dem Becka-n-ātaũn könnt'.
Dô sieht er en der Stadt beim Becka
Amôl zweẽn ausnahmsgrauße Wecka,
Dia kauft er glei, ond heim dermit,
Ond stellat's uf seĩn Fenschterbritt
Grad' nüber gega 's Becka Haus.
Glei fahrt der Beck zom Fenschter raus:
»Woher hôscht dau dia Wecka selt?«
»Vom Stadtbeck,« sait der Schuaschter, »gelt,
Dô siehscht jetz Wecka, wia se's g'hört,
Dô ischt ãnr zweẽn von deine wert.«
»So, von der Stadt hôscht's!« sait der Beck,
»O, gang mer nõ mit dene weg!
Sell weißt ãnheba jedas Kend,
Was d' Stadtleut' für Graußmacher send!«
