|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
Am Kirbe-Samschtich-Nôchmittag
Dô gẽan ball nôch am Zwölfeschlag
Der Jockele ond 's Schulza Bua
Vom Schualhaus weg der Heimat zua.
's pressiart net! Juh! D' Schual ischt verbei,
Da ganza Nôchmittag ischt frei,
Ond morga hent se nõmôl Ruah,
Kãnr brengt vor Freud' seĩn Maul mai zua.
D' Händ neĩn g'schobbt bis an Elaboga
Ond d' Zipfelkapp' en 's Gnick neĩnzoga
Pfeift jeder, was an grad kommt ãn.
Vor jeder Mischte stẽan se nãn.
Ens Lammwirts Hof ischt grad a Herd
Hẽar uf der Mischte drenn ond scherrt,
Stolz stôht der Hahner en der Mitt',
Er führt 's Kommando, stiftet Fried
Ond kräht so forsch seĩn Sprüchle her,
Wia wenn er Bürgermeischter wär'.
»Guck!« sait der Jockel, »guck amôl,
Was nemmt der Hahner 's Maul so voll!
Der hôt's au naitich uf seim Mischt!«
»Ha weißscht!« sait 's Schulza Bua, »wia's ischt?
Der will sein Stolz a wenga zeiga,
Daß er braucht keine Eier z'laiga!«
