|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
A neuer Dokter kommt ens Tal
Grad von der Hochschual her,
Ond weil er hell ischt, sieht er ball,
Daß dô z'veil g'soffa werr.
Ond weil er 's Elend sieht derbei,
Nô packt an au der Zorn,
Ond weil er jong ischt, nemmt er glei
Da Teufel bei de Horn.
Er hält am Sonntichnôchmittag
En Vortrag en der Poscht.
Dô laufa d' Leut, krautlebatag!
Aparte, weil's nenz koscht!
Der Saal ischt eba g'stricha voll
Ond alles horcht, wia guat
Der Dokter dô den Alkohol
Zwei Stond lang ronter tuat.
Am End' hôt nô der Dokter g'sait,
Ehm wär's jetzt liab ond recht,
Wenn der ond ẽar au von de Leut'
Seĩn Ansicht saga möcht'.
A guata Weil ischt alles still,
Nô sait der Schulz ällsg'mach:
»Ja also, was i saga will,
Herr Dokter, descht a Sach'!
Was Sia dô gsait hent, des gẽan miar
Vollkomma zu! jawohl!
Wenn eĩns sein Weĩn hôt ond seĩn Biar,
Braucht's doch kein Alkohol!«
