Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Allergnedigister Herr, ich hab bedacht, daß alle adenliche adenliche: edle. menschliche Gemûet begirig sein, alt Geschicht und teurlich Getaten teurlich Getaten: großartige Taten., durch mechtig und hochgeborn Fürsten und Herren vollbracht, so die beschriben werden, zu lesen und daraus Neigung zů empfahen empfahen: empfangen., so si zů irer Sterk und völligem Alter kommen, inen in erlichen erlichen: ehrenvollen. Sachen nachzůfolgen und den Geferlicheiten, so inen begegnen mochten, durch empfangne Gedechtnus vorzůsteen vorzůsteen: standzuhalten., aus denselben Ursachen, dieweil Euer Küniglich Majestät von dem teuerlichisten, eltisten und namhaftigisten Geschlecht der Christenheit iren Ursprung und Herkommen hat, die mechtigisten Königreich, Land und Leut für für: vor.ander Christenlichist Künig und Fürsten besitzet, auch mit Tugenden und hoflicher Geschicklicheit hoflicher Geschicklicheit: Geschick in Hofkünsten. begabt ist, fürgenommen Euer Küniglichen Majestät zů Ergetzlicheit, Nutz und Lere eines loblichen, teuern und hochberümbten Helds und Ritters, mit Namen Herr Teuerdank, Geschicht, Histori und Getaten (die ich den meisten Teil gesehen und von glaubhaften Personen, die in Gegenwertigkeit gewesen sein, gehört hab) in Form, Maß und Weis der Heldenbücher (als vormalen durch vil beschehen ist) in verborgner Gestalt zů beschreiben. Dann ich für onnot onnot: unnötig. bei mir geacht, den ganzen Grund offenlichen und meniglichen an Tag zů legen, nachdem ich Euer Küniglich Gemuet dermaßen fehig und verstendig weiß, daß Euer Majestät on on: ohne. weiter Nachgedenken den Kern und Grund derselben vollbrachten Geschicht versteen wirdet. Solich Bůch, allergnedigister Herr, und mein willige Arbeit wöllen Euer Küniglich Majestat von mir undertenigistem Kaplan gnediglichen empfahen, und so die Zeit, an der Euer Majestat Gescheft halben vergonnt, darin lesen, dann ich keinen Zweifel trag, Euer Küniglich Majestat werde daraus Reizung und Begird empfahen, dem bemelten bemelten: genannten. loblichen, teueren und hochberûmbten Ritter Teurdank in teuerlichen, erlichen Sachen nachzufolgen, und darbei Leer Leer: Lehre. und Underweisung nemen, Euer Majestat sich den Geferlicheiten des wankelbaren Gelücks, wie gedachter Ritter, Herr Teurdank, getan hat, so oft nicht zů underwerfen, sonder Euer Künigliche Majestat, der ich mich undertenigist befilch befilch: empfehle., darvor wissen zů hûten. Geben zů Nuremberg am ersten Tag des Merzen Anno domini tausend fünfhundert und im sibentzehenden Jar.

Euer Küniglichen
Majestat
Diemûtigster
Kaplan

Melchior Pfinzing zů
Sant Alban bei Menz
und Sant Sebold zů
Nûrenberg Propst.

Dem durchleuchtigisten Fürsten und Herren Herrn Karlen
Künigen zů Hispanien etc. Erzherzogen zů Osterreich
Herzogen zů Burgundi etc. meinem allergnedigisten
Herrn.