Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

De Swartwaller in'n Briesgau.

In Müllen op de Post,
Der dusend, sappermost!
Drinkt man dar en guden Win!
Glitt dar rein als Bomöl 'rin,
In Müllen op de Post.

In Bürglen op de Höh,
Ne dochen wat ick seh!
O, wa wesselt Barg un Dahl,
Land un Water öwerall
In Bürglen op de Höh!

In Staufen op den Mark
Dar hebbi se allns in't Wark,
Danz un Win un Lustbarkeit,
Allens, wat dat Hart man freut,
In Staufen up den Mark.

In Friborg in de Stadt,
Wa sauber is't un glatt!
Rike Herrn, un Geld un Got,
Junfern, rein als Melk un Blot,
In Friborg in de Stadt!

In jeder Eck un Kant,
Wa is't en lustig Land,
Awers nöm ock allens mi,
Een Deel dochen finnst du ni
In't ganze schöne Land!

Ick, dat du't weest, ick holt't
Mit Herischried in'n Wold;
Wo ick bün, dar denk ick d'ran, –
Op de Gegend kummt't nich an –
In Herischried in'n Wold.

Dar in de lüttje Kat,
Wer makt denn so veel Staat? –
Wat giffst du mi, so segg ick't di,
Een Seken is't, keen Heken ni, –
Dar in de lüttje Kat!