|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
En Leed in Ehren,
Wakeen will't wehren?
Singt ni de Vageln lud bi Dag?
De Engeln lisen dör' de Nacht?
En frischen, guden Mot.
En sund un fröhlich Blot,
So hett't in alle Deeln keen Not.
En Drunk in Ehren,
Wakeen will't wehren?
Trinkt ni den Tau de Blom op't Feld?
De Landvagt ock sin Glas för't Geld?
Wer bi de Arbeit steiht
Süss Warkeldag, den deit
En Sünndagsdrunk gewiß keen Leid.
En Kuß in Ehren,
Wakeen will't wehren?
Küßt buten ni de Blom sick geern?
Un küßt sick ni de lüttjen Steern?
In
Ehren, heff ick seggt,
Un Unschuld, mark di't recht!
Denn makt dar ock en Kuß ni slecht.
En Fest in Ehren,
Wakeen will't wehren?
Nu hebbt wi't man vull Fröhlichkeit,
Doch durt't ni lang, wo't anners geiht!
Wahrt allns en körte Tid: –
Na'n Karkhuff is ni wit, –
Wer weet, waneer wi buten li't.
Un möt wi wannern,
Un folgt de annern,
O, geu uns Gott en sanften Dod! –
En gut Geweten gev uns Gott,
Wenn hell de Himmel lacht,
Wenn allens blitzt un kracht,
Un in de letzte Nacht!