Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

De Dischergesell.

Min Handwark, dat lehr ick so, so, la, la;
Doch kann ick't Drinken veel beter, – ja, ja,
Als't Arbeidn! – dat segg ick jüm fri un frank,
De Rügg brok mi schier an de Höwelbank!

Min Moder, de sä mi ok faken Bescheed:
»Du kriggst dar keen Meister ni wit un breet!«
Toletzt löv ick't sülbn all un dach wul: »i, i!
»Wa ward't denn noch gahn in de Fremm mal mit di?!«

Wasück als mi't gung? – – man to prächtig! – Herrje!
Söbn Meisters in wenig Weken! – juchhe! –
Ach Moder, lüttj' Moder, wa wußt du dat slecht!
Ick kreeg ja keen Meister ni, – harrst du ja seggt!–