Ich hab' e' anneri gekennt,
Die hot 'n scheene' Buckl ghat,
Bei der war 's Wetter alsfort schee'
Un' als der Himml spieglglatt.

E' dritti hab' ich aach gekennt,
Die hot gehat 'n scheene' Arm,
Der war e' jeder Aerm'l, denk,
Sogar im Winter viel zu warm.

Un' wiedder eeni fallt mer ei'
Do war nix als ihr Mantl schee',
Die hot als gsacht, es wär' so kalt
Un' wollt' nit ohne Mantl geh'.

Ich hab' emol die viere g'froocht,
Wie's justement um's Wetter wär':
»Ei hübsch, ei wüscht, ei warm, ei kalt« –
Befehl' mich Ihne', dank' recht sehr,

Sacht lieber Waade', Buckl, Arm
Un' Mantl, nocher weeß mer doch,
Was euch e' Barometer is
Un' hingeht for e' Wetterloch.