|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| Wann d' am 'e Bach stehscht, an 're Quell Un' Alles ringsrum still, Geb' Acht, do fange' se 's Plaudre' a', Was eens halt sage' will, Un' die Quell verzählt un' der Bach verzählt Un' die Ufer die höre' zu, Dann die Wässer die kumme' gar weit 'rum Un' habe' selte' 'n Ruh. Un' der Fluß un' der Strom machts aach 'e so Die wisse' natürlich gar viel, Die kenne' die Städt' aus 'm Fundament Un' kenne' 's Mensche'gewühl. Un' sie reese', deß wees' mer, all' in's Meer, Warum? deß wees' ich nit, 'S kann sey' 's is dort ihr großer Mark', Wo's Gschäfte' zu mache' git, Un' 's is aach grad als wann's so wär Un' weil halt 's Meer so groß, Gits oft 'e Verwerrung un' is halt do Alle Aage'blick 'was los. Dann 's kumme' Fremde aus jedm Land, Die versteh'n sich oft nit, Un natürlich schwimmt die kreuz un' queer Die Politik aach mit: Do kummt der Rhei', der is gut deutsch Un' die Thems', die englisch gsinnt, Un' die Sein' ganz trüb un' thut doch dick Mit lauter Pariser-Wind. Jetz' stoße' se sich halt im Gedräng' Un' foddre' ennanner 'raus, Do gits nocher Händl un' werd am End' E' Höll-Spetakl d'raus, Do is e' Gebrüll un' is e' Cravall, Mer hörts viel Stunde' weit, Un' bsunners die drei, die sin gar stolz Un' habe' gar gschwind 'n Streit. Un mischt mer sich 'nei', so is es rischquirt, Do kumme' die Schiffbrüch' her Un' es sage nor Leut', die's nit versteh'n, Daß e' Stromwind schuld dra' wär'. – Gehts aber aach friedlich un' ruhich zu, So hört mer doch als e' Gebraus Un' mer hört gar oft in stiller Nacht Bekannte Stimme' 'raus, Deß is die Quell un' is der Bach, Die mer sunscht emol hot ghört, E' Landsmann, ach du lieber Gott, Der vielleicht heem begehrt, Der vielleicht denkt, wie war's doch dort So schö' in Flur un' Wald Un' dem's jetz' bangt in dem Gewühl Un' dem's jetz' nimmer gfallt. – Wer je am Meer' hot g'horcht, der wees's, Un' wann emm' so 'was g'schicht, So kann's so gar ke' Wunner sey', Sich! wann mer 's Heemweh kriecht. |