|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| »Ei was, du hoscht e' Gemsjagd g'sehe', No saach emol, wie war dann deß?« »»Soll aach mei' Lebtach nimmer g'schehe', Dann do vergeh'n emm die Späß', Deß is e' heilloses Vergniche', Ich saach euch, ich war uf'm e' Platz, Dohin steicht nit emol e' Katz' Un sollt' se aach Paschtete' rieche': Es habe' mich zwee nuff gezoche', Sunscht war's grad an Unmöchlichkeit, Wie uf en Thorn, 's is nit geloche', Alsfort e' halbi Ewichkeit; Vor mir e' Grabe', do war's drunne' So schwarz, wie im e' tiefe' Brunne', Un links un rechts war gar nix mehr Als Luft, do hock ich mi'm Gewehr; Un bin drei Stunde' schier gehockt, Do kummt emol eens hergebockt. Un wie's mich merkt des Deubelsvieh, Dann so e' Thier hot alle Kniff, Thut's wie e' Spitzbu' grad' 'n Piff Un schmeißt die gröschte' Steener runner, Daß ich noch leb', is nor e' Wunner.«« »No hoscht es tüchtig nuff gebrennt?« »»Ach nee! ich hab' jo nit gekönnt, Mußt mich nor halte' mit de' Händ' An so eme' alte' Worzlstück, Sunscht korchl' ich jede' Ache'blick; Mir war nor bang, 's springt zu mer 'rüber, Dann 's war ke dreißig Schritt' do 'nüber, Un so e' Thier deß is verweeche', Ich saach euch, 's war gar nit verleeche', Hot als gestanne' uff eem Fleck Un hot geguckt, wo ich dann steck'. Doch endlich, ich seh's immer noch, Do grabb'lt's in e' Felse'loch, Dernocher hab ich nix mehr g'sehe'; Un miserab'l, lahm un üb'l, Die Hos' verrisse' un die Stieb'l, So bin ich wieder 'runner kumme' Un hab' zum Angedenke' noch En' Rematism' mitgenumme'; Un wohlgemerkt, der ee' hot g'sacht, Weil mir zu Ehre' wär' die Jagd, So hätt' ich aach de' beschte' Stand, Deß war der Thorn do an der Wand, Jetz' denkt euch, wie die annre' ware'?!«« |