|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| Es sitze' zwee vergrämte Gsichter Beinanner beim e' Schoppe' Wein, 'S sin junge Leut', die sin sunscht luschtich, 'S muß denne' halt was g'schehe' seyn; Do sächt der ee', for was sich plooche' In so 'me Land? es gschicht uns recht, Was geh' mer nit, es git noch Länder, Die sin weeß Gott, nit gar so schlecht, Amerika! dort is e' Lebe', Do hunzt mer sich nit so, wie hier, Dort is der allerschlechtschte Pflanzer Als wie bei uns e' Cavalier; Natürlich, denk' der nor den Reichthum, Der Wein un' 's Korn die wachse wild, Vun Froscht un' Winter ke' Gedanke', Der Himmel is jo gar zu mild, Dort pample' emm die Goldorange' In's Maul, do knikert sich's nit drum Un Dubak wachst, wie bei uns Dischtle Un' frei geht dort e' jeder 'rum Un' sagt un' treibt's noch sein'm Gefalle' Un' heurath't wie er will un' mag, Do ploocht emm ke' Regierungswese' Un' Vorschrift, wie hier alle Tag. Un' hot mer Glück, nor for 'n Kreuzer, So find't mer aach 'n Klumpe' Gold Un' kann sei' Lebelang dra' zehre', Dann 's git genung, wer's suche' wollt'. Horch, geh' mer hi', was Palz un' Pälzer! Do is for Eenigkeit ke' Sinn, Die Landsleut' ließe' emm verhungre', Deß is e' anner Korn dort drinn! Stoß a' Kammrad, mir wolle' reese Fideel un' luschtich über's Meer, Un' habe' mer de' rechte' Seckl Un' 's gfallt uns, kumm' mehr widder her! –– – – Die Gränk! do guck emol deß Gsindl, Deß müsse' jo Zigeuner sey', Schlawake' oder Sansculotte', Wie kummt deß Lumpevolk do rei', Wo seyd ihr her, ihr Bettlgsichter, Drei Schritt vum Leib', nor nit so nah – – »»Mir sin vum Rhein, sin ausgewannert Un' kumme' vun Amerika.«« |