|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| »Daß ich so gern e' Dichter wär', Un' neidich bin em e' jede', Deß is bloß, weil se so per du Mit alle Mensche' rede'. Nit grad, als wann's mit Kaiser ich So wollt' un' mit de Könich, Was froche' die noch unser eem, Ach nee ich wünsch' nor wenig. E' Mädche' liecht mer als im Kop' An die nor möcht' ich dichte', An die möcht' ich des liebe Du In e' Paar Verscher richte'.« – »»Deß kannscht de jo, red' nor so rum Vun Rose'blum und Heiligthum Und vun verliebt Und vun betrübt, Do loß dei' Du nor tüchtig los, Die Dichterkunscht is nit so groß.«« So hab' ich mit'm e' Freund geredt, Ach wär's doch nie geschehe', Dann uf sein Roth, do fang ich an Die Verslcher zu drehe'. Un schreib' ihr uf e' Poschtpapier: »Ich bin verliebt un bin betrübt Un du, du all' mei Heilichthum, Du bischt's du scheeni Rose'blum« – Un schick' des Zettlche' zu ihr. Do schickt se mer e' Körbche' zu, Jetz' sacht emol, was thu' ich, E' Ros' war drinn un do steht druff: Jetz' sey'n Se aber ruhich! – Der Deubl hol' die Dichterei, Die Alles mir genumme', Dann seit dem Vers do war's vorbei, Bin nie zum Du mehr kumme'. |