|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
|
|
||||||||||||||
| Autoren | ∞ | Werke | ∞ | Neu | ∞ | Information | ∞ | Shop | ∞ | Lesetips | ∞ | Textquelle | ∞ | |
Anzeige. Gutenberg Edition 16. 2. vermehrte und verbesserte Auflage. Alle Werke aus dem Projekt Gutenberg-DE. Mit zusätzlichen E-Books. Eine einmalige Bibliothek. +++ Information und Bestellung in unserem Shop +++
| Schön Hannche un der Vater sitze' Im Garte' vor'm Haus, Es is e' schöner Summerobed, Die Katz' guckt obe' 'raus. Do sächt der Vater: Liebes Kind, Ich bitt' dich, loß den Fritz, Dann du hoscht nix und er hot nix, Un wo nix is, do werd aach nix, D'rum loß du mir de' Fritz. Schön Hannche fangt zu weine' an, Sie hot den Fritz so gern, »Ach Vater, kann ich vor die Lieb', Ich bin jo ke' Latern, Was in mir brennt, des bloost mer nit Als wie e' Lichtche' aus, Und derf der Fritz nimmer zu mir, So laaf' ich aus'm Haus.« Der Alte brummelt in de Bart, Der Fritz wär' jo schun recht, Doch sich, mei' Kind, wo gar nix is, Geht jedes Metier schlecht. – Wasch' aber weiß 'n schwarze' Mohr, Do gebt ke' Wasser aus, Die Lehr' ging 'nei' beim eene' Ohr, Bei'm annre' widder 'raus. Emol bei ihr'm Fritzche' sitzt Des Hannche' gar bequeem, Im Garte' war's so schön und kühl Zwische' zwee Birebeem. Sie wechsle' manches Kißche' do, Wie halt Verliebte sin, Do guckt des Kind vun ungefähr Zum Garte'thürche' hin: Der Vater kummt! – Der Fritz nit lahm Springt wie e' jungi Katz' G'schwind uf den eene' Birebaam, Do is e' sich'rer Platz. – Der Vater hot e' schweri Hack Und sächt zu seinem Kind, Mir hot e' großer Schatz getraamt, Vielleicht das ich 'n find'; E Eng'lche' hot zu mir gsacht Geh zu de' Birebeem, Den große' hackscht de um, geb' Acht, Du bringscht e Sümmche heem. Unner dein Baam sei'm Worzlwerk Hebscht de e' grosi Kischt, Ke' Kroßmog'l war je so reich, Als du dernocher bischt. – Ach Gott der schöne Birebaam, Sächt Hannche, kann's nit seyn, Die Großmutter hat 'n geplanzt, Wie käm' e' Kischt do 'nein, Der kleene aber alt un dick Macht e' verdächtichs G'sicht, Geh Vater, hack' den kleene' um, War weeß, was d'runner liecht. – Des is schun wohr, der Alte sächt, Der groß' oder der klee, Deß weeß ich selber nimmer recht, »Ach Vater, 's is der klee!« Und wie der Vater hackt un hackt, Do werd' des Hannche roth, Ach heil'cher Chrischtof, bett' se jetz', Ach helf' mer aus der Noth, Ach mach' e' bische nor Miraakl, Dann sunscht git's heut 'n Weltspetaakl. Un bipp un hipp un bim un bum Un hipp un bim un bum, Uf emol laaft's un springt un hipt – Dukate' um und um. Gott's Blitz un Jub'l un ke' End', Deß war e' Herrlichkeit, Do kummt aach glei der Fritz gerennt Un guckt als wie nit g'scheut! – »Was thuscht dann du do, sächt der Alt', »Dich sah ich nit im Traam,« Do sächt sei' Kind: »»Deß is der Schatz »»Vum grose Birebaam.«« – Jetz' merkt der Alte wohl den Piff Und nemmt se bei der Hand, A Pärche werre' se wie eens Im schöne Pälzerland. – Blieskascht'l heeßt der Ort, do steht |