Autoren

∞

Werke

∞

Neu

∞

Information

∞

Shop

∞

Lesetips

∞

Textquelle

∞

Karl Stteler (1842–1885)

Die Irrung

(Oberbayrisch)

Der Oberbräu, der hat zwoa Töchter,
Die oa hat gheirat, wies halt geht,
Sie hat a so dös schönste Leben,
Nur grad koa Kindl hats halt net.

»No,« sagt der Dechant zu der Muader,
»Da sorg di net, dös is a Gspaß;
Jetzt muaßt halt fleißi Wallfahrt fahren –
Und übers Jahr, na schreit scho was.«

Und übers Jahr, da kimmt der Dechant
Halt wieder mit der Muader zsamm
Und fragt: »Wie stehts mit deiner Tochter?
Hats gnutzt? Wird scho a Kindl ham?«

»Ja, ja,« sagt d Muader, hübsch verlegen,
»Ja, gnutzt hats scho,« daß s do nit lügt;
»Aber an Irrung hats halt geben.
Denn schaugns, die – ledige hats kriegt.«