Ascheberger Sprüch

Zwä Forschtpollacke eingehenkt,

Die Kappe in de Anke,

Die siecht mer an ’m Sunndag frieh

Vom Bahnhof ’reinwärts wanke,

Lang wor die Nacht, dick sein die Kepp’,

Die Aage glänze wie die Knepp’,

Sie fuchtele mit ihre Schtöck’,

Un langsam kumme se vom Fleck,

Sie wackele und schlorche

Am helle Sunndagsmorge.

Vorm Wecklade da schtäih’n se schtill

Un linze’ dorch die Scheibe,

Sie wolle mit dem Bäcker drin

’n kläne Bosse treibe.

Sie gucke nunner, gucke nuff:

»Warum gäih’n dann die Weck’ nit uff?

Sie, sein die Dinger uff dem Brett

Dann werkliche Dreipennichsweck?

A jesses, awwer nä,

Was sein die Weck’ so klä’!«

jetz’ fährt de Bäcker aus sei’m Haus

Un läßt sein’ Zornegickel aus:

»Warum die Weck’ nit gäihe uff?

A tret’ die Nacht nit so viel druff

Läigt eich in eire Better

Schtatt uff die Kuchebretter!

Laaft uff’m Weg schtatt uff de Weck’,

Verdrickt mer nit mei’ ganz Gebäck,

Sunst kriegt er in die Sunndagsweck’

Gebacke eiern Werktagsdreck!

A tret’ halt nit so druff,

Dann gäih’n die Weck’ scho’ uff!

Dann wer’n die Weck’ scho’ gröißer!

Verschtanne-vous, ihr Öiser?!«